Bayern Munichu me ofertë zyrtare për Leroy Sane

14:50 | 1 Gusht 2019
Arbresh Info

Bayern Munichu raportohet të ketë bërë një ofertë zyrtare për sulmuesin e Manchester Cityt, Leroy Sane.

Në fillim të kësaj jave, trajneri Niko Kovic tha se “beson” në finalizimin e marrëveshjes me reprezentuesin e Gjermanisë para se të mbyllet merkato verore të transferimeve, transmeton portali arbresh.info.

Bazuar në Bild, kampioni i Bundesligas tani ka paraqitur një ofertë për 23-vjeçarin për shkak se synojnë për të kompletuar marrëveshjen para fillimit të sezonit 2019/20.

Sane, i cili ka shënuar 16 herë dhe ka regjistruar 17 asistime brenda 47 paraqitjeve për “Qytetarët” edicionin e kaluar, ka marrëveshje me klubin në Etihad deri në verën e vitit 2021.

Trajneri i kampionit të Premierë Ligës, Pep Guardiola ka konfirmuar se një kontratë e re është në tavolinë për sulmuesin, por Bayerni mund të sjellë anësorin në Gjermani para fundit të merkatos.

Ata janë në kërkim të lojtarëve të tillë pas largimit të dyshes Arjen Robben dhe Franck Ribery./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm